Ateet

Haan ateet apne vartamaaan mein itna sundar nahi hota,
uski sundarta beet te waqt ke saath badhti hai.

Ateet ek jagah hai mere liye,
jaha mein baar baar jata hun,
kyunki woh meri zindagi ki haqeeqat thi kisi waqt,
toh ekdum yathaarth bhi nahi hai.

Waha jaakar lagta hai
jaise kisine vartamaan ka bojh aur pareshaani niche rakh dene ka mauka diya ho,
thik usi tarah jis tarah school mein kisi period mein daant padi ho,
par recess ka maza phir bhi aa raha ho.